FAIR CHANCE ACT

Faaaogaina o Faamaumauga o Solitulafono i le Faafaigaluegaina

I le 2018, na pasia ai e le Fono Faitulafono le Washington Fair Chance Act (Tulafono o Avanoa Lē Faaitu’au Uosigitone),  Revised Code of Washington (RCW, Toe Teuteuga Tulafono Uosigitone) mataupu (chapter) 49.94, e puipui ai tagata talosaga mo galuega e iai faamaumauga o solitulafono ina ia mafai ona tauvā i avanoa o galuega e tatau ona agavaa ai. Na amata faaaoga le tulafono ia Iuni 2018.

Faasalalauina o Galuega
O pulegaluega e aofia i lenei tulafono e le tatau ona faasalalau avanoa o galuega i ala e le mafai ai ona talosaga mai nisi e iai faamaumauga o solitulafono.  E faasa faasalalauga e iai le “leai ni feloni” “leai ni talaaga o soligatulafono”, poo nisi feau faapena.

Talosaga mo Galuega
O pulegaluega e aofia ai e le tatau ona latou tuuina i pepa talosaga o galuega ni fesili e suesue ai talaaga e uiga i faamaumauga o solitulafono a lē o loo talosaga.

Faagasologa o le Faafaigaluega
Se’i vagana ua mae’a ona fai se tonu mautu muamua e agavaa lē o loo talosaga i lea galuega, e le mafai e pulegaluega i Uosigitone ona:

1. Suesue i talanoaga poo tusitusiga ni faamaumauga tau solitulafono a lē o loo talosaga;
2. Aumai ni faamatalaga e ala mai se suesuega o talaaga tau solitulafono;
3. Pe maua mai i se isi ala ni faamatalaga e uiga i faamaumauga tau solitulafono a lē o loo talosaga;  
4. Faagaoioi ni aiaiga ma faatinoga e tuuese faaotometi ai pe faavasega tagata talosaga mo galuega e iai se faamaumauga tau solitulafono, e aofia ai le teena o tagata talosaga ona o le lē mafai ona avatu faamaumauga tau solitulafono.

Pulegaluega i Faamalumaluga (e aofia ai)
O pulegaluega i faamalumaluga nei e aofia ai ofisa lautele, tagata ta’itoatasi tuma’oti, pisinisi ma kampuni, konekarate, ofisa faafaigaluega lē tumau, porokalama o a’oa’oga faamasani, ma faatulaga galuega, faaoo, ma lālā faafaigaluega. E faatatau le tulafono i pulegaluega uma, e le afaina le aofa’i o tagata e faigaluega ia te ia.

E le faatatau le tulafono i pulegaluega o loo fia faafaigaluega se isi o le a oo i le, pe ono vaaia na’o ia ni tamaiti i lalo o le 18, tagata matutua afāinagofie, poo nisi e afainagofie; faamalosi tulafono poo lālā e gafa ma solitulafono a Uosigitone; faalapotopotoga gafa ma tupe; leoleo saogalemu a le malo pe resitalaina; poo nisi pulegaluega ua faataga pe faamalosia e le tulafono e fesili ma vaavaai i faamatalaga aoga i le galuega e uiga i faamaumauga tau solitulafono; poo pulegaluega saili valenitia le faafaigaluegaina

Faagasologa o Faaseā
E talia e le Civil Rights Division (Vaega o Aia Tatau Tagatanuu) faasea i se pulegaluega e faamalumaluina ua faaaoga faamaumauga o solitulafono e tuuese ai se tagata talosaga mai se avanoa i galuega ae le’i faamautuina muamua pe agavaa lea tagata i le galuega. E mafai ona e faafesoota’i mai matou i le fairchancejobs@atg.wa.gov pe tuu mai se feau i le laina vili fua i le (833) 660-4877. E mafai foi ona faaoo sau faasea e faaaoga ai la matou pepa faainitaneti ma o le a faafesoota’i atu oe e se isi o lo matou ofisa.  E mafai ona faila se tagi le malie e soo se isi e uiga i se solitulafono i se faasalalauga o se galuega, ae le na’o tagata talosaga mo galuega.