FAAFAIGOFIE MO FAFINE MA’ITAGA MA FAASUSU TAMAITI

Faafaigaofie mo Fafine Ma’itaga ma Faasusu Tamaiti

Ua faia e le tulafono Uosigitone aia tatau faapitoa tau tagatānuu e puipui ai fafine faigaluega e ma’itaga. O nei puipuiga e faatatau i tulaga o le ma’itaga ma le soifua maloloina o le tagata faigaluega ma’itaga, e aofia ai le maloloina i le taimi o le ma’itaga ma le mae’a ona fanau o le pepe, e pei o le faasusu o pepe pe pamu le suasusu. Afai e faigaluega le fafine ma’itaga i se pulegaluega e 15 pe sili a’e ana tagata faigaluega, e faamalosia le pulegaluega ia faia tulaga faafaigofie nei mo le tagata faigaluega:

1. Faifaisoo, faaumiumi, pe fetuuna’i taimi malolo mo le fale lē tā’ua;
2. Fetuuna’iga o le tulafono e leai ni meaai poo meainu;
3. Faatulaga nofoaga pe faataga le tagata e fai ma nofo i lalo; ma
4. Alo’ese mai le sii o avega e 17 pauna pe sili a’e le mamafa.

I le ma lea, e iai aia tatau o le tagata ma’itaga i isi faafaigofie i le falefaigaluega, pe afai e leai se faigata tele poo se isi tau e totogi e le pulegaluega. E aofia ai:

5. Toe faatulaga galuega, pei o le fetuuna’i o taimi o galuega, toe tofitofi galuega, sui le itu e galue ai, poo le fai o meafaigaluega;
6. Se suiga lē tumau i se tulaga e lē tigaina pe lamatia ai;
7. Fetuuna’i taimi o galuega ma talavai fafine ma’itaga;
8. Ia talafeagai taimi malolo e pamu ai suasusu o le tagata faigaluega i tausaga e lua talu ona fanau le pepe, i soo se taimi e mana’omia ai le pamu o le suasusu ma fai se nofoaga faapitoa, ese mai le fale le ta’ua, pe afai e iai i le itu o galuega poo le fale le ta’ua lea potu, e mafai ona faaaoga e le tagata faigaluega e pamu ai le suasusu. Afai e le o iai se avanoa i le itu o pisinisi mo le tagata faigaluega e pamu ai le suasusu, e tatau ona galulue faatasi le pulegaluega ma le tagata faigaluega e faasino se nofoaga lelei ma fetuuna’i taimi o galuega e faafaigofie ai o latou mana’oga; ma
9. Fai nisi faafaigofie e ono mana’omia e le tagata faigaluega.

E lē ono fesiligia e pulegaluega se faamaoniga tusitusia mai se foma’i mo faafaigofie 1-4 o loo ta’ua i luga. E mafai ona talosaga le pulegaluega mo se tusi mai se foma’i e faamanino mai ai le mana’oga mo faafaigofie 5-9 o loo ta’ua i luga, poo le faasa ona sii le 17 pauna pe itiiti ifo.

E faasa pulegaluega ona tali tetee i se tagata ma’itaga e talosaga mo se tasi o suiga nei, faafiti ni avanoa faigaluega i se isi e agavaa ona o le ma’itaga ae o loo agavaa ai; faamalosia le tagata ma’itaga e faaaoga ona livi malolo a’o loo iai se isi fofo e mafai ona faia. I le ma lea, o tagata faigaluega ma’itaga e iai tulaga faaletonu ona o le ma’itaga, e ono iai isi aia tatau e faaopoopo i ia ua lisi atu.

E talia e le Civil Rights Division (Vaega Aiā Tatau Tagatanuu) tagi  i le lēai o ni faafaigofie a pulegaluega mo fafine faigaluega ma’itaga. Faafesoota’i matou i le pregnancy@atg.wa.govpe tuu se feau i la matou telefoni vili fua i le (833) 660-4877. E mafai foi ona faaoo sau tagi e faaaoga ai la matou: pepa initaneti ma o le a faafesoota’i atu oe e se isi o matou.

TA’IALA O FAAFAIGOFIE MO TAGATA FAIGALUEGA MA’ITAGA MA PULEGALUEGA

O lenei itulau tufatufa e avatu ai faamatalaga e uiga i faafaigofie patino e faamalosia mo fafine ma’itaga faigaluega i tulafono a le setete o Uosigitone. Ua faatulaga le itulau e faailoa ai i le pulegaluega ma tagata faigaluega o latou aia tatau ma tiute i lalo o le tulafono, ma e maua i le Igilisi ma le Gagana Sepaniolo.

E faataatia atu i le itulau tulafono faafaigofie mo tagata ma’itaga, aia tatau o tagata faigaluega ma’itaga i fale faigaluega, faiga masani e faasa ai pulegaluega, ma le auala e ripoti ai e tagata faigaluega ni soliga o tulafono o faafaigofie mo ma’itaga.