Other LanguagesE tele alagaoa e maua i lenei gagana.
E tusa ai ma le i'uga o tulafono ua talosagaina e le Attorney General’s Office (Ofisa o le Loia Sili) ma taliaina e le Fono Faitulafono, e 4 miliona tagata Uosigitone ia ua agavaa mo togafitiga e faia fua pe totogi tau maualalo i falema'i i itu uma o le setete o Uosigitone.
| Sootaga fa'aupega tafa'ilagi vave: |
|
|
Pe tusa ma le afa o tagata uma o Uosigitone e agavaa mo togafitiga e faia fua pe fa'aitiitia tau i falema'i o le setete o Uosigitone. O nei puipuiga e apalai i tau i falema'i e totogiina lava e le tagata, e iai co-pays ma deductibles, tusa poo le a le tulaga o le inisiua. Ua sauniaina e le tulafono o le Uosigitone puipuiga malosi i le atunuu mo tau o togafitiga i falema'i e totogiina lava e le tagata.
O lea tulafono fou ua matuā fa'ateleina ai le agavaa o tau i togafitiga i falema'i e totogiina lava e le tagata, e peu o co-pay ma deductible, fa'apea foi ma le fa'alauteleina o le agavaa mo tau maualalo. Ae le'i iai le tulafono fou, e le'i mafai ona agavaa se tinā nofoto'atasi e faigaluega i ni galuega pe itiiti ifo ma le lua i le 50 itula i le vaiaso mo se fesoasoani tau tupe i falema'i i Uosigitone. Ua suia e le tulafono fou lena mea.
O lenei tulafono e fa'amautinoa ai le agavaa o tagata uma o Uosigitone e i totonu o le 300 pasene le tulaga o le matitiva fa'afeterale i fesoasoani tau tupe mo pili i falema'i e totogiina lava e le tagata. O aiga e oo atu i le 400 pasene le tulaga o le mativa fa'afeterale e ono mafai ona agavaa mi fesoasoani tau tupe e fuafua i le falema'i. E lua vaega ua fa'atuina e le tulafono fou mo fesoasoani tau tupu - tasi mo falema'i tetele ma sisitema tetele fa'asoifua maloloina (Vaega 1) ma le isi mo falema'i laiti tuto'atasi (Vaega 2).
Siaki le siata o loo i lalo e vaai ai pe e te agavaa pe agavaa se isi o lou aiga. O le siata o loo fa'aalia ai le tulaga o tupe maua e agavaa mo tau maualalo i falema'i i le Vaega 1 ma le Vaega 2 (kiliki i mo se lisi le a'oa'ia o falema'i o loo i ia vaega):
Galuea’ina le pasene o lau tupe maua i le tulaga mativa fa'afeterale:
Tupe Maua i le Tausaga:
Numera o Tagatanuu:
Ua sauniaina siata ma calculator mo na'o galueina o aofa'iga fa'aataata. Talanoa sa'o i le falema'i o e fa'aaogaina ina ia filifilia vaega ma'oti e te agavaa ai. Afai e te manatu o le falema'i o e fa'aaogaina e le o mulimulita'ia tulafono, fa'aulu sau fa'aseā i le Loia Sili i le https://www.atg.wa.gov/file-complaint
FESILI MASANI
O a "fesoasoani fa'ameaalofa"?
O le tulafono a Uosigitone mo fesoasoani fa'ameaalofa e mana'omia ai le faia e falema'i o fesoasoani tau tupe mo ma'i e laiti tupe maua i tau o togafitiga latou te totogiina. Mo le malamalama ai, o lea tatou te talanoa i tagata e iai inisiua, e le na'o tagata e leai ni inisiua. O le tele o tagata e feagai ma tau maualuga latou te totogiina tusa pe iai le inisiua, ae o le matou tulafono mo fesoasoani fa'ameaalofa e mafai ona fesoasoani ai i ia tagata ta'ito'atasi.
E iai se tulaga mana'omia i tausaga?
Leai. E leai se tulaga fa'atulagaina i tausaga pe la'itiiti pe matua fa'atoa agavaa lea. E agavaa uma tagata o Uosigitone.
Fa'amata e tatau ona e lesitala i le Medicare poo le Medicaid ina ia fa'aaogaina le fesoasoani fa'ameaalofa?
Leai, o le fesoasoani fa'ameaalofa e apalai i tagata uma o Uosigitone, tusa pe e iai latou inisiua lautele mo togafitiga fa'afoma'i, o inisiua totogiina e le tagata lava ia mo togafitiga fa'afoma'i poo le leai foi o se inisiua. O le fesoasoani fa'ameaalofa e aofia ai tau e te totogiina, tusa poo le a le tulaga o le inisiua, na'o lau tupe maua e fua iai.
Fa'amata e tatau ona avea a'u ma sitiseni a le Iunaite Setete ina ia apalai iai le fesoasoani fa'ameaalofa?
Leai, o tagata mama'i uma e mafai ona apalai iai le fesoasoani fa'ameaalofa tusa poo le a le tulaga o pepa malaga.
Fa'amata e aafia lo'u agavaa ai mo le Saogalemū Lautele, o le Medicare poo le Medicaid pe a maua se fesoasoani fa'ameaalofa?
E leai. E apalai le fesoasoani fa'ameaalofa i le vaega o lau pili o le falema'i lea e te totogiina - e pei o le deductible ma le copay. E tumau pea ona kavaina e le Medicaid ma le Medicare a latou vaega, ona apalai lea o le fesoasoani fa'ameaalofa i le paleni e totoe lea e totogiina lava e le tagata.
E le totogiina e le Medicaid ma/poo le Medicare mea uma?
E le talafeagai. E mafai ona iai tau e totogiina lava e le tagata i togafitiga i soo se falema'i e fua i le vaega o kavaina. E fa'apena foi i inisiua e totogi lava e le tagata.
E le'o le ituaiga o fesoasoani tau tupe lea e mo na'o i latou e maualalo tele tupe maua? Oute le talitonu oute agavaa mo se "Meaalofa."
O le a e iloa lava. E taugata pili o le falema'i mo tagata uma. O le mea lena ua fa'alauteleina ai avanoa agavaa i lenei tulafono fou. Mo le fa'ata'ita'iga, o se aiga e to'afa ma se latou tupe maua e oo atu pe tusa ma le $83,000 e agavaa ai mo se tau maualalo i falema'i uma i totonu o le setete. I falema'i tetele, latou te agavaa i tau latou te le totogiina. I falema'i tetele o le setete, o aiga ta'ito'afa e oo atu i le $111,000 tupe maua i le tausaga e agavaa mo se tau maualalo i latou tupe fa'aalu i tau latou te totogiina.
Fa'amata na'o togafitiga i falema'i e apalai iai le fesoasoani fa'ameaalofa? E fa'apefea siaki i falema'i laiti?
E apalai le fesoasoani fa'ameaalofa i togafitiga fa'afoma'i i se falema'i. Ae peita'i, o nisi taimi o falema'i o loo galulue fa'atasi ma falema'i laiti o le a fa'alautele atu latou fesoasoani fa'ameaalofa i ia falema'i laiti. O le mea pito sili ona lelei e tatau ona faia o le fesili i taimi uma.
Fa'amata e kavaina ai siaki i ER, fa'ata poo fa'agasologa o ma'i tausavali e fa'atinoina i falema'i?
E apalai le fesoasoani fa'ameaalofa i togafitiga fa'afoma'i i se falema'i. E aofia ai togafitiga i potu mo fa'alavelave fa'afuase'i i se falema'i. E aofia ai foi soo se isi fa'ata, su'esu'ega poo galuega fa'asolo e faia i soo se falema'i. E ono le kavaina e le fesoasoani fa'ameaalofa pili mai foma'i poo isi tausi soifua e le'o fa'afaigaluegaina e falema'i.
Fa'amata na'o pili o togafitiga i le lumana'i e apalai iai fesoasoani fa'ameaalofa, pe apalai foi i pili mai togafitiga ua tuana'i?
O fesoasoani fa'ameaalofa mo togafitiga e apalai i vaega uma o pili totogi i le lumana'i fa'apea ma taimi ua te'a. E leai se afaina tusa poo le a le umi o pili totogi e iai, pe sa lafoina foi i le vaega e aoina pili. Afai ete agavaa, e mafai ona apalai fesoasoani fa'ameaalofa mo togafitiga i lau pili o le falema'i.
O le a le eseesega o le "Vaega 1" ma le "Vaega 2"?
O falema'i tetele i le taulaga e maua iai le 80 pasene o moega falema'i, o loo i le latou lava vaega e mautū lelei tau maualalo. Matou te fa'aigoaina nei falema'i tetele o Vaega 1, ma e tusa ma le 3 miliona tagata Uosigitone o le a maua fua ai moega mo a latou togafitiga i falema'i o le Vaega 1, ma le isi 1 miliona o le a maua ai a latou fa'amama avega i tau maualalo. O falema'i laiti tuto'atasi ma falema'i i nuu i tua-lea pe na'o le 20 pasene o moega i vaega o le setete - e i le Vaega 2, ma e le tele se tau maualalo latou te ofoina.
I le taimi o o'u togafitiga i le falema'i, e lua pili eseese sa ou mauaina - tasi mai le falema'i, ma le tasi mai le foma'i. Fa'amata e agavaa uma pili e lua mo se fesoasoani tau tupe i lalo o tulafono o fesoasoani fa'ameaalofa?
Na'o falema'i e mana'omia lo latou sauniaina o fesoasoani fa'ameaalofa. E le mana'omia e le tulafono le agavaa o pili mai foma'i. Peita'i, o le tele o falema'i e mana'omia foma'i o loo galulue ia latou falema'i ma fa'ataua faiga fa'avae o fesoasoani fa'ameaalofa. Siaki i lau falema'i pe latou te faia.
E fa'apefea pe a iai so'u fale mautū, pe iai se teugatupe o la'u litaea. Fa'amata e fa'aleaogaina ai a'u i ia ituaiga o aseta?
O le mea sili ona tāua, e le mafai e falema'i ona iloiloina sou nofoaga autū, poo lona aogā, pe a iloilo pe e te agavaa i fesoasoani fa'ameaalofa, o lona uiga e leai se afaina o le iai o sou fale mautū i fesoasoani fa'ameaalofa. E mafai ona iloiloina nisi aseta e falema'i mo le agavaa, peita'i e maualuga tulaga o tupe maua ma o le tele o tagata e agavaa mo fesoasoani fa'ameaalofa o le a le iai ona o a latou aseta.
Fa'amata e kavaina e fesoasoani fa'ameaalofa tulaga i tausiga o ma'i e pei o le Alzheimer?
E apalai le fesoasoani fa'ameaalofa i togafitiga fa'afoma'i i se falema'i. E le filifilia lou agavaa ini tulaga fa'apitoa o lou soifua maloloina. Ae peita'i, o nisi taimi o falema'i o loo galulue fa'atasi ma falema'i laiti o le a fa'alautele atu latou fesoasoani fa'ameaalofa i ia falema'i laiti. O le mea pito sili ona lelei e tatau ona faia o le fesili i taimi uma.
Fa'amata e ono iai ni fa'afaigata o vaega tau tupe i falema'i i le fa'ateleina o nei tau maualalo?
Sa pasia e Oregon le fa'alauteleina o se fesoasoani fa'ameaalofa tali tutusa i le 2019. Sa talanoa le matou aufaigaluega o le tulafono i le Pulega o le Soifua Maloloina i Oregon. Sa latou lipotia ai latou te le'i vaai ini fa'amaoniga o le afua ai o fa'afaigata o vaega tau tupe i falema'i ona o mea mana'omia o a latou fesoasoania fa'ameaalofa. E tatau ona tatou manino o lea tatou te talanoa i tau o togafitiga fa'afoma'i e totogiina lava e le tagata, ae le'o le pili atoa o togafitiga a se tagata ma'i e pei o le tele o mataupu. O le a mauaina e falema'i peimeni mai le inisiua o le soifua maloloina o le tagata ma'i poo le Medicaid.
E fa'apefea ona iloa e se tagata ma'i pe latou te agavaa mo fesoasoani tau tupe i lalo o le tulafono o fesoasoani fa'ameaalofa a Uosigitone?
E mafai ona e maua ni manatu pe e te ono agavaa e ala i le calculator o loo i luga, ae o le tali faigofie o le fesili i le falema'i o e fa'aaogaina. Ae e le tatau i tagata mama'i. I lalo o le tulafono a le setete, e mana'omia ona tuuina mai e falema'i fa'asilasilaga i avanoa o iai o fesoasoani fa'ameaalofa i tagata mama'i e ala i fa'atalanoaga ma tusitusiga, ma iloiloina tagata mamai pe agavaa i fesoasoani fa'ameaalofa ae le'i taumafai e aoina peimeni mai ia i latou mo togafitiga totogiina lava e latou.
E fa'apefea pe afai e iai sa'u fanau matutua, poo nisi tagata matutua o lo'u aiga o matou nonofo fa'atasi i lalo o le fale e tasi? E fa'apefea ona filifilia lo matou agavaa?
E fa'auigaina e le fesoasoani fa'ameaalofa ta'iala fa'aletulafono o se "fa'apotopotoga o le lua poo le sili atu o tagata e fesoota'i ona e aiga, o fa'aipoipoga, poo tagata fai o loo nonofo fa'atasi." O le uiga o lenei mea o tupe maua a tagata matutua o le aiga o nonofo fa'atasi e mafai ona iloiloina i se talosaga mo fesoasoani fa'ameaalofa. Ia mautinoa i taimi uma e fa'amatalaina lou tulaga to'atasi i le falema'i i lau talosaga mo fesoasoani fa'ameaalofa aua e ono faia e falema'i tuutuuga e fua i tulaga o tagata ta'ito'atasi.
O le a le mea e tupu pe afai e le mulimulita'ia e falema'i tulafono o fesoasoani fa'ameaalofa a le setete?
Matou te fia fa'alogo i tagata pe afai o iai ni o latou fa'afitauli. E iai le matou aufaigaluega o loia sa latou mata'ituina lenei fa'afitauli, ma sa ou failaina le tele o tagi e fa'asaga i falema'i ile le fa'amautinoaina le agavaa o tagata uma o Uosigitone e maualalo tupe maua i tau maualalo lea latou te agavaa ai fa'aletulafono. Ua matou sauni e faia gaioiga e tatau mo falema'i e le lagolagina a latou matafaioi. Afai e te manatu o le falema'i o e fa'aaogaina e le o mulimulita'ia tulafono, fa'aulu mai sau fa'aseā ia i matou i le https://www.atg.wa.gov/file-complaint
O le a le umi na mana'omia ai e Uosigitone falema'i e saunia fesoasoani tau tupe?
O le ulua'i tulafono a Uosigitone mo fesoasoani fa'ameaalofa sa pasia i le 1989, o lona uiga o lenei fesoasoani ua leva ona iai mo tagata mama'i o Uosigitone mo le sili atu ma le tolu sefulu tausaga.
O aitalafu o togafitiga fa'afoma'i o se fa'afitauli mo le tele o tagata Amelika, e sa'o?
Sa'o lelei. Pe tusa o le lua vaetolu o tagata ta'ito'atasi sa failaina fa'aseā i le matitiva tau tupe na fa'ailoa o togafitiga fa'afoma'i o se vaega fa'aalutupe autū, ma e sili atu ma le afa o tau o auaunaga tuufa’atasia o loo i lipoti o tala o tupe o aitalafu e mai togafitiga fa'asoifua maloloina. O le fa'asoaina tutusa o avanoa mo togafitiga o se fa'afitauli foi. O fa'apotopotoga o tagata lanu e le tutusa fa'amanuiaga e maua i inisiua, ma e tele ina aafiagofie i fa'alavelave matuiā ma tupe totogiina i falema'i e le'i fuafuaina.