Other LanguagesElaplọk kain jibāñ ej bellọk ilo kajin in.
Āinwōt juōn alikkar in kakien eo emōj an walok jān Attorney General’s Office (Opiij eo an Attorney General) im bōk jān Legislature, 4 million armij jān Washington rej kiō māroñ tōprak ilo ejelọk onean ak diiklak onean ilo ọjpitōl ko Washington.
| Link ko remōkaj: |
Eitin jimettan in armij ro jān Washington rej māroñ in tōprak ñan onean eo ejelọk ak ediklak ilo aelōñ in Washington ọjpitōl ko. Wawen kōjbarōk kein rej jerbal ñan onean ko ilo nabōj-in-pajo, koba ippān kōllā ko kwōj māke lak im bwe eo, jokdoon ñe ewōr am injuran ak ejelọk. Kakien eo an Washington ej kiō lewaj kōjbarōk ko rekajur tata ilo enne eo ñan onean ko nabōj-in-pajo ñan ọjpitōl.
Kakien kāāl eo emōj an laplọk ñan onean ọjpitōl ko jān nabōj-in-pajo, āinwōt kōllā eo kwōj māke lak im bwe eo, koba ippān wāwein kaḷapḷọk an tōprak ñan wōtlak ko. Mokta jān kakien kāāl eo, juōn jinen ak jemen eo ej māke lak im ewōr ruo an jerbal edik kōllā ie ilo 50 awa kajojo wiik ekar jab māroñ in tōprak ñan jibāñ ikijen jāān ilo Washington ọjpitōl ko. Kakien kāāl eo ej ukote.
Kakien eo ej kōmman bwe armij eo ilo Washington ilo 300 bōjjāān in joñan jeramōl eo rej māroñ in tōprak ñan jibāñ ikijen jāān kin onean ko ilo ọjpitōl rej kōllā jān nabōj-in-pajo. Baamle ko rej kōmman 400 bōjjāān in joñan jeramōl emāroñ in tōprak ñan jibāñ ikijen jāān pedped ion ọjpitōl eo. Kakien kāāl eo ej kōmman ruo wāwein jibāñ kin jāān — juōn ñan ọjpitōl killep ko im jerbal ko an lale ejmour elap (Tier 1) im juōn ñan ọjpitōl ko rej diiklak, im māke lak (Tier 2).
Lale jaat eo ilal ñan lale ñe kwe ak jabdewōt ilo baamle eo am emāroñ tōprak. Jāān eo ej kwalok joñan jāān ko rej māroñ in tōprak ñan wōtlak ilo Tier 1 im Tier 2 ọjpitōl ko (jiped ijin ñan juōn laajrak in lale ewi eo ọjpitōl ko rej māroñ in delọñ ilo kein 1 ak 2 ):
Lale joñan jāān eo kwōj kōmmane ilo joñan jeramōl:
Joñan eo aolep Yiiō:
Nōmba in armij ro rej jokwe ilo mweo:
Jaat im calculator rej iwaj ñan unin lale wōt. Kōnaan ippān ọjpitōl eo am ñan kwalok am māroñ in tōprak. Ñe kwōj ḷōmṇak ọjpitōl ejjab loore kakien eo, likit juōn naan in inepata ippān Attorny General eo ilo https://www.atg.wa.gov/file-complaint
KAJITŌK KO EKKUT KAJITŌK
Ta in "charity care"?
Kakien eo an Washington ikijen charity care ej kwalok ke aikuj wōr jibāñ ko ikiijen jāān ilo ọjpitōl ej bellọk ñan ri nañinmej ro ñan jibāñ ir kin onean taktō ko nabōj-in-pajo. Ñan lukkun kōmelele ki, jej kōnnaanōk kake armij ro ewōr aer injuran, ejjab armij ro wōt ejelọk aer injuran. Elōñ armij ro rej ion e onean ko jān nabōj-in-pajo jokdoon ewōr aer injuran, im kakien eo kin charity care ej jibāñ armij ro.
Ewōr ke juōn yiiō eo ediiktata ej aikuj?
Jab. Ejelọk aikuj ikijen yiiō eo ediiktata ak elap. Aolep armij ro jān Washington rej māroñ in tōprak.
Kwōj ke aikuj in pād iumin Medicare ak Medicaid ñan kōjerbale charity care?
Jab, charity care ej jerbal wōt ñan armij ro jān Washington, jokdoon ñe ewōr aer injuran ko rej māke lak. Charity care ej bōk eddo in onean ko nabōj-in-pajo, jokdoon wāwein eo kwōj ion e kin injuran, pedped ion joñan jāān eo kwōj kōmmane māke lak iam.
Ij ke aikuj in jokwe ilo Amedka ñan aō kajeoñ ñan charity care?
Jab, aolep ri nañinmej ro remāroñ in kajeoñ jokdoon ia eo rej itōk jān e.
Ñe ij bōk charity care ej ke jelet am māroñ in tōprak ñan Social Security, Medicare ak Medicaid?
Ejjab. Charity care ej jerbal wōt ñan mōttan onean ko an ọjpitōl im kwōj kōllā onean — āinwōt bwe ko im kōllā ko jōt. Medicaid im Medicare enij bōk wōt eddo in onean eo aer, innem charity care enij jerbal ñan ta eo ej pād wōt ñan an ri nañinmej kōllā jān nabōj-in-pajo.
Medicaid im/ak Medicare ej ke kōllā onean aolep kain?
Ejjab. Emāroñ in wōr onean ko nabōj in pajo ej koba ippān lale ọjpitōl pedped ion ta eo ej bōk eddo. Ej bar jerbal ñan injuran ko rej māke lak.
Ejjab kain jibāñ eo rōt in ilo jāān im ej jerbal ñan ro elukkun diik joñan jāān eo rej kōmman? Ijjab tōmak imāroñ in tōprak ñan "Charity."
Kwōnij bwilōñ. Onean taktō ko relukkun lap ñan aolep. Unin an wōr kakien kāāl ko emōj aer laplọk kake wāwein tōprak. Āinwōt, juōn baamle kōbban emen armij rej kōmmane emāroñ $83,000 rej māroñ in tōprak ñan joñan eo ej diiklak onean ilo aolep ọjpitōl aelōñ eo. Ilo ọjpitōl kan rellap, rej māroñ in tōprak wōt ñan onean ko jān nabōj-in-pajo. Ilo ọjpitōl ko rellap tata an aelōñ eo, baamle ko emen kōbban rej kōmman $111,000 kajojo yiiō rej māroñ in tōprak ñan joñan eo ediklak onean ilo kōllā ko rej jān nabōj-in-pajo.
Charity care ej ke jerbal wōt ñan lale ilo ọjpitōl? Ak etal ñan clinic ko?
Charity care ej jerbal ñan lale ko rej bōk wōt ilo ọjpitōl. Bōtaab, jōt ọjpitōl ko rej koba ippān clinic renij kōjerbale kakien eo kin charity care ie. Men eo eman tata ej ñan kajitōk aolep ien.
Ej ke bōk eddo in ien loe lak ER, ak pija ak jerbal ko jōt rej kōmman ilo ọjpitōl ko?
Charity care ej jerbal ñan lale ko rej bōk wōt ilo ọjpitōl. Ej koba ippān lale ilo ruum in ṃōjōnji ilo ọjpitōl. Ej bar koba ippān kakōlkōl, teej ak jerbal ko rej kōmman ilo ọjpitōl. Charity care emāroñ in jab bōk eddo in onean ko jān taktō ak jikin jerbal ko jōt jān ọjpitōl.
Charity care ej ke jerbal wōt ñan lale onean ko ilju jeklaj, ak ej ke bar jerbal ñan onean ko remootlak?
Lale rimojno ej jimor jerbal ñan bill ko ilju jeklaj im mōkta lak. Jokdoon joñan to in an bill ko pād, ak ñe emōj jilkinlak ñan jikin ain muri. Ñe kwoj maroñ tobrak, charity care emaroñ jerbal ñan bill in aujpitol eo am.
Ta oktak ikōtaan "Tier 1" im "Tier 2"?
Ọjpitōl killep ko rej kwalok 80 bōjjāān in peet ko ọjpitōl rej pād ilo tier ko aer māke im elaplọk an diiklak onean ko ie. Jej kur ọjpitōl kein rekileplak Tier 1, im joñan eo 3 million armij jān Washington renij māroñ in bōk lale ilo ọjpitōl ilo ejelọk onean ilo Tier 1 ọjpitōl ko, im bar 1 million enij bar wōr aer ial ñan lale eo ediklak onean. Ọjpitōl ko rediklak im māke lak iar—im rej kwalok 20 bōjjāān in peet ko ilo aelōñ eo — rej Tier 2, im rej kwalok joñan onean ko rej diiklak.
Ke ikar bōk jibāñ ọjpitōl, ekar wōr ruo onean ko rekar itōk ñan io — juōn jān ọjpitōl, im juōn jān taktō eo. Onean kein jimor rej ke māroñ in jerbal ñan jibāñ ikijen jāān iumin kakien eo an charity care?
Ọjpitōl ko wōt rej aikuj in kwalok charity care. Ejjab aikuj onean ko an taktō bwe ren māroñ in tōprak. Botaab, elōñ ọjpitōl ko rej aikuj an taktō ro rej jerbal ilo ọjpitōl ko aer bwe ren kautej kakien ko ikijen charity care. Lale ippān ọjpitōl eo am ñan lale ñe ej māroñ.
Ak ñe ewōr mweo imō, ak akkaun in jemlọk aō jerbal. Remāroñ in ke kōmman bwe in jab tōprak?
Men eo aurōk tata, ọjpitōl rejjab māroñ in ḷōmṇak kin an wōt māke jikim, ak joñan aurōk eo an, ñe kwōj lale am māroñ in tōprak ñan charity care, innem ñe ewōr māke mōm eban jelōt am tōprak ñan charity care. Ọjpitōl rej māroñ in ḷōmṇak kin jōt mweiuk ko ilo an lale ñe kwōj māroñ in tōprak, ak elap an utiej men ko im elōñ riwia im rej māroñ in tōprak kin joñan jāān eo rej kōmmane reban jenolọk pedped ion joñan mweiuk ko aer.
Charity care ej ke bōk eddo in nañinmej ko āinwōt Altzheimers?
Charity care ej jerbal ñan lale ko rej bōk wōt ilo ọjpitōl. Am maroñ in tōprak ejjab jān nañinmej ko rej pād ippām. Bōtaab, jōt ọjpitōl ko rej koba ippān clinic renij kōjerbale kakien eo kin charity care ie. Men eo eman tata ej ñan kajitōk aolep ien.
Onean kein rej diiklak renij ke kōmman an wōr men ko rebin ñan ọjpitōl ko?
Oregon ekar kwalok kin juōn bar laplọk in charity care ilo 2019. Kumi eo ejellā kin kakien ko rekar enaan ippān Melim ko ikijen Ejmour ilo Oregon. Rekar riboot ke ejelọk kein kamol im aikuj in charity care ej kōmman bwe ọjpitōl en ion men ko rebin ikijen jāān. Jej aikuj in bar kwalok ke jej kōnnaan kake onean ko nabōj-in-pajo, ejjab onean taktō an juōn ri nañinmej, ilo elōñ keij ko. Ọjpitōl ko renij bōk wōt kōllā jān injuran in taktō an ri nañinmej ak Medicaid.
Ewi wāwein an juōn ri nañinmej māroñ jella ke ej rej māroñ in tōprak ñan jibāñ ikijen jāān iumin kakien an Washington kin charity care?
Calculator eo ilōñ emāroñ lewaj ñan eok juōn ḷōmṇak ñe kwōj māroñ in tōprak, ak uak eo ebidodo ej kajitōk ippān ọjpitōl eo am. Ak ri nañinmej ro rejjab aikuj. Iumin kien an aelōñ eo, ọjpitōl ko rej ke aikuj kōjjeḷā in charity care ñan ri nañinmej jimor ilo kōnnaan im jeje, im lale ri nañinmej ro ñe rej māroñ in tōprak ñan charity care mōkta jān aer kajeoñ in bōk kōllā jān ie ñan onean ko nabōj-in-pajo.
Ak ñe ewōr ajiri ro re rūtto, ak uwaan baamle eo jōt re rūtto rej jokwe ippa ilo ejja mweo wōt? Ewi wāwein ad māroñ in tōprak?
Charity care kien ko rej kwalok baamle āinwōt "juōn doulul in ruo ak elaplọk armij rej epāāke doon jān lotak, palele, ak kajiriri im rej jokwe ippān doon." Ej melelein joñan jāān kan an uwaan baamle eo im rej rūtto im jokwe ippān doon remāroñ in ḷōmṇak kake ilo juōn pepa in charity care. Komelele aolep ien kin jekjek eo kwōj pād ie kiō ñan ọjpitōl ilo pepa in charity care kinke ọjpitōl emāroñ in bōk jenolọk ko rej pedped ion jekjek ko kajojo armij ej ion e.
Ta eo ej walok ñe ọjpitōl ejjab loore kakien eo an charity care?
Jekōnan bar roñ jān armij ro ñe ewōr men ko rebin rej ion e. Ewōr juōn ad doulul in lawyer ro rej lale menin kōnōnō, im emōj an file elōñ keij ko jumae ọjpitōl kin aer jab māroñ in kōmman bwe armij ro jān Washington im ediik jāān rej kōmmane rej bōk wōtlak eo im rej māroñ in bōk. Jej bojjak in bōk jerbal eo ñe ọjpitōl ro rejjab debij kōnan ko aer. Ñe kwōj ḷōmṇak ọjpitōl ejjab loore kakien eo, file juōn menin kenono ipped ilo https://www.atg.wa.gov/file-complaint
Ewi joñan aitok in an Washington aikuj an ọjpitōl jibāñ ikijen jāān?
Kakien eo an Washington mokta lak emōj an māroñ tōprak ilo 1989 eo, innem jibāñ in ej bellọk ñan jibāñ ri nañinmej in Washington ilo elaplọk jān jilñoul yiiō ko.
Muri kin taktō ej juōn inepata eo elap ipped ri Amedka, ke?
Aet. Ilo aolepen lalin, eitin ruo-mōttan jilu in armij ro rej file ñan māāt in jāān jān taktō, im elaplọk jān jimetan in mweiuk ko ilo riboot in muri ej ñan muri kin taktō. Bōk jibāñ ej bar juōn inepata. Jukjukun pād ko rejjab lukkun walok joñaer, im elaptata aer jab kajur ilo ien joraan im onean taktō ko rekar jab kōtmane.